Клубная сетка вобласці на 01.01.2026 налічвае 27 устаноў культуры клубнага тыпу са статусам юрыдычнай асобы, якія аб’ядноўваюць 452 філіялы. Агульная колькасць фарміраванняў, што працуюць у клубных установах вобласці, складае больш за чатыры тысячы з колькасцю ўдзельнікаў каля 38 000, з іх для дзяцей – 1 996 фарміраванняў з колькасцю ўдзельнікаў – 19 106.
У вобласці працуе 610 калектываў са званнем і найменнем розных ведамстваў і падпарадкаванняў. У клубных установах – 329 калектываў.
Культурны і пазнавальны вольны час для жыхароў маланаселеных і аддаленых вёсак арганізаваны 20 структурнымі падраздзяленнямі, якія ажыццяўляюць культурнае і інфармацыйнае абслугоўванне жыхароў з дапамогай мабільных формаў работы. У зоне іх абслугоўвання знаходзіцца больш за 1300 населеных пунктаў. За 2025 год усяго ажыццёўлена 1614 выездаў, праведзена 3 478 мерапрыемстваў з колькасцю наведвальнікаў 131 109. Пры гэтым абслужана 1113 маланаселеных і аддаленых вёсак, дзе праведзена больш за 2800 культурных мерапрыемстваў, якія наведалі 53 145 чалавек.
У 2025 годзе прысвоена найменне «ўзорны» пяці калектывам.
На развіццё аматарскай творчасці і павышэнне духоўнага патэнцыялу жыхароў Гомельскай вобласці, захаванне і прымнажэнне багатых культурных традыцый Гомельшчыны накіравана правядзенне святаў, фестываляў, конкурсаў.
28 чэрвеня 2025 года ў г. Гомелі адбыўся Міжнародны фестываль славянскіх народаў «Славянскае адзінства» – традыцыйная сустрэча прыгранічных рэгіёнаў Беларусі і Расіі.
У чарговы раз рэспубліканскі фестываль народнага гумару «Аўцюкі» прыняў гасцей 19 ліпеня 2025 года на сцэнічных пляцоўках Калінкавіцкага раёна.
На высокім арганізацыйным і творчым узроўні праведзены абласныя конкурсы і фестывалі.
Майстры дэкаратыўна-прыкладнага мастацтва і народных мастацкіх рамёстваў вобласці годна прадставілі Гомельшчыну ў больш чым 20 тэматычных выставах як абласнога, так і рэспубліканскага і міжнароднага ўзроўняў.
Важным вынікам мерапрыемстваў стала падпісанае пагадненне аб супрацоўніцтве ў сферы народнай мастацкай творчасці і культурна-дасугавай дзейнасці Санкт-Пецярбургскай дзяржаўнай бюджэтнай культурна-дасугавай установы «Дом народнай творчасці і дасугу» і ўстановы «Гомельскі абласны цэнтр народнай творчасці».